Ancene agek apes nasibe Paitun, kodew sing gawene dodolan blekecekan, sprei, kudung lan liya-liyane ndek rasap kebalen. Goro-goro gak gelem ngganteni sprei cacat sing kadung diukut Waginem, Paitun kelangan jempol ..pothol dicakot Waginem!!

Critane, Waginem ukut sprei ndek Paitun. Sampek hamur, sprei dibukak byak, tiba'e onok cacate. Gak trimo, isuke Waginem njaluk ganti ndek Paitun, ning dijanjeni mene. Ngono sak teruse mene mene .. sampek entek kesabarane Waginem.

Selasa isuk (5/4), Waginem nyatroni Paitun maneh, tetep njaluk ganti sprei karo muring-muring ngilok-ngilokno. Paitun loro ati diilok-ilokno koyok ngono, awake langsung ngadek jegreg nyakar raine Waginem sampek beret-beret. Gak gelem kalah, waginem terus nyekel tangane Paitun .. kres !!! jempole Paitun dicakot sampek pothol !!!!

Genaro sak rasap podho ketenggengen ndelok adegan sadis iku .. sak kala Paitun sing njerit-njerit kelaran digawa ndek rumah sakit. Lha dene genaro-genaro sing ndek kono yo podho ribut nggoleki potholane jempole Paitun. Weleh .. isuk-isuk kok sarapan jempol .. ngono jarene. helma05